Hvernig stafræn umbreyting bætti mannauðsstjórnun Origo
Stafræn umbreyting hefur einfaldað ráðningaferlið og móttöku nýliða, veitt aðgang að mannauðstölfræði í rauntíma, sjálfvirknivætt starfsánægjumælingar og aðstoðað með eftirfylgni við jafnlaunavottun.
Hvað er stafræn umbreyting í mannauðsstjórnun?
Stafræn umbreyting mannauðsstjórnunar nær yfir breytingar á lykilferlum mannauðs. Þetta felur í sér umbreytingu á lykilferlum eins og ráðningum, móttöku nýliða, frammistöðumati og þjálfun. Breytingarnar geta jafnframt haft víðtæk áhrif á eðli starfa innan fyrirtækisins. Sem dæmi má nefna þjónustufulltrúa í símaveri sem hefur hingað til veitt þjónustu í síma en vinnur nú í teymi sem nýtir gervigreind í að sjálfvirknivæða þá þjónustu með notkun á spjallmenni sem svarar algengustu fyrirspurnum viðskiptavina.
Stefna og ávinningur
Líkt og í öllum breytingum er mikilvægt að skilgreina markmið og ávinning af stafrænni umbreytingu á lykilferlum mannauðs. Origo hefur sett sér það markmið að vera eftirsóknasti vinnustaðurinn í upplýsingatækni á Íslandi. Til að að okkur hæfasta fólkið og halda í það, þurfum við að vera í fremstu röð þegar kemur að upplifun starfsfólks og helgun þeirra í starfi. Þannig tryggjum við að Origo verði fyrsta val viðskiptavina á sviði upplýsingatækni.
Stafræn umbreyting í mannauðsteymi Origo
Origo er fyrirtæki í upplýsingatækni sem hefur verið framanlega undanfarin ár þegar kemur að stafrænni umbreytingu innan mannauðsstjórnunar. Origo er þekkingarfyrirtæki og byggir árangur sinn á hugviti starfsfólks.
Það er því til mikil að vinna að starfsfólk sé ánægt í starfi, sé helgað og vinni í umhverfi sem ýtir undir nýsköpun, frumkvæði og drifkraft. Það er mikil samkeppni um hugbúnaðarsérfræðinga og tæknifólk á vinnumarkaði. Því er óhætt að segja að fjárfesting í mannauði og aðbúnaði fyrir starfsfólk hjá Origo skili sér margfalt til baka.
Hér má sjá nokkur dæmi um stafræn umbreytingaverkefni sem farið hefur verið í á síðastliðnum árum og snúa að nokkrum ferlum mannauðsstjórnunar.
Þessi dæmi sýna að stafræn umbreyting í mannauðsstjórnun hjá Origo er komin vel á veg og hefur ýtt undir framþróun mannauðsstjórnunar. Við hlökkum til að þróa okkur og kerfin áfram, tril að tryggja að við séum í fremstu röð.
